فضيحة أخلاقية تهز حركة التوحيد والإصلاح الدراع الدعوي وأم البيجيدي
مولاي عُمر بن حماد، 53 عام، من مكناس، متزوّج و عندو سبعة ديال لوليدات، هو أستاذ علوم القرآن والتفسير بكلية الآداب جامعة مولاي إسماعيل فمكناس، عندو دكتواره فالشريعة خداها ف 2001.
هوعضو الإتحاد العالمي لعلماء المسلمين، ورابطة علماء المغرب.
هو النائب الأول لرئيس حركة التوحيد والإصلاح الجناح الدعوي لحزب العدالة و التنمية اللي تيقود الحكومة.
هو وجه معروف إعلاميا بالندوات و المقالات اللي تيكتب فالمواقع و الصحف المغربية و العربية.
فاطمة نجّار، 52 عام، من سطّات، أرملة، مات ليها الراجل ف 2015، الداعية و عضو حركة التوحيد و الإصلاح عبد الجليل الجاسني، و خلاّ ليها ستّة ديال الأولاد.
الجنازة ديالو حضْر ليها بن كيران و شبع فيها بكا، الفقيد كان عزيز عليه بزّاف.
فاطمة أستاذة و نائب ثاني لرئيس حركة التوحيد والإصلاح، و هي داعية إسلامية عندها فيديوهات مشهورة فاليوتيوب تتهاجم فيها الحريّات العامة و العلاقات خارج إطار الزواج، و كانت تتطالب الشباب بالصوم اللي ما إستاطعش الباءة، و هي مولات الفيديو الشهير “عيناك سِلاح”.
فاطمة، كانت مكلفة بالقسم التربوي فالحركة، تتأطر فيها الشباب و التلاميذ و تتدعوهم للطريق الصحيح و إتباع الدين الحنيف.
البارح مع السبعة ديال الصباح البوليس شدّوها هي و مولاي عُمر فنواحي بن سليمان وبالضبط فمنطقة المنصورية جنب لبحر متلبّسين بممارسة الجنس فالمرسديس ديالو، و اليوم قدّموهم للوكيل العام.
الزوجة ديال مولاي عُمر تنازلات على المتابعة ديالو بالخيانة الزوجية، و بقا مُتابع هو و الأستاذة فاطمة نجّار بالفساد، و الجلسة الأولى نهار 1 شتنبر.
حركة التوحيد و الإصلاح صدرات بيان عاجل تتشكر فيه الدكتور و الأستاذة على العطاءات الدعوية و الإسهامات الفكرية ديالهوم فالحركة و قالت بأن ديك لهضرة ديال زواج عرفي راه ما واكلاش، و جرّات عليهم و شطّبات عليهم من جميع المسؤوليات فالحركة.
رئيس الحكومة عبد الإله بن كيران لحد الساعة راه ما فراسوش، و ما باغيش يكون فراسو.
وقال بلاغ الحركة الدعوية الدي نشرته على موقعها بالأنترنت :
بناء على تصريح الأخ مولاي عمر بن حماد والأخت فاطمة النجار، نائبي رئيس الحركة، لدى الضابطة القضائية من وجود علاقة زواج عرفي بينهما، فإن المكتب التنفيذي للحركة قد تداول هذه النازلة في اجتماع استثنائي بتاريخ 17 ذي القعدة 1437 ه الموافق ل 21 غشت 2016 وقرر ما يلي: يؤكد المكتب ويجدد رفضه التام لما يسمى بالزواج العرفي وتمسكه بتطبيق المسطرة القانونية كاملة في أي زواج. تعليق عضوية الأخوين المذكورين في جميع هيآت الحركة تطبيقا للمادة 5-1 من النظام الداخلي للحركة. ارتكاب الأخوين مولاي عمر بن حماد وفاطمة النجار لهذه المخالفة لمبادئ الحركة وتوجهاتها وقيمها وهذا الخطأ الجسيم، لا يمنع من تقدير المكتب لمكانتهما وفضلهما وعطاءاتهما الدعوية والتربوية. عن المكتب التنفيذي رئيس حركة التوحيد والإصلاح عبد الرحيم شيخي.
اسماء غربي كود //// لفضيحة الجنسية بين بنحماد عمر وفاطمة النجار بجوج قياديين في الاصلاح والتوحيد واللي شوهو ماشي غير الحركة حتى حزب العدالة والتنمية خطيرة. حقاش هاد السيدة ديما مصدعة بنات الحركة وولادها بهاداك الخطاب ديال العفة. اجيو تشوفو اش كالت ليهم ففيديو: التحرش زنا والرغبة الجنسية كتشاف فالعين والعين تزني والحب جريمة والضحكات زنا والكلمات المغريات زنا ومن مقدمات الزنا الاختلاء حدا الكانيف ولا ورا الشجرة. والشيطان ثالث رجل وامرأة اختليا.
ياك الفقيهة كتربي ففتيات معقدات كيكرهو الحب وانتي كتختلي بالشيخ عمر بنحماد ماشي فالشجرة فالطونوبيلة وعاطينها غير للنيك وفالاخير تكولو عقد عرفي.
علاش عقدتي لبنات مسكينات. بغيتهم ما يضحكو ما يتفلاو يطلعو كلهم عقد باش طيح حجرتهم على بحال بنحماد. كالت ليك الثورة الجنسية الله ينعل اللي ما يحشم